..سلطه الفــــــواكه بالزبادي والعــــــــسل..وعليها أحلي فواكه مسكره للتزيين...

أزيكم يا بنات ...يارب تكونو بخير

أمبارح جه علي بالي سلطه الفواكه بالزبادي قمت ترك ترك عملاها فالسريع ...طعمها كان جااامد الحقيقه
أنهارده بقي قلت لازم أعملها وأشارك بيها فمهرجان الوان الطيف اللي مخلي الركن منتعش وكله ربيع ماشاء الله...معلش الصور ألوانها نص نص شويه لأن الأأضاءه بتاعه المطبخ نصها عطلان أنهارده معلش بقي...

يلا نخش عالمقادير اللي أسهل من كده مفيش
-فراوله مقطعه مكعبات صغيره
-موز مقطع زيها برضه(انا أكتفيت بموز وفراوله لأن طعمهم مميز مع بعض خصوصا فالزبادي
-معلقه ك عسل نحل
-معلقه ك بودره كريم شانتيه

الطريقه
-أخلطي المكونات مع بعضها كويس وحطيها فكأس التقديم
-عالوش زيني بحبات الفراوله ومعاها الفواكه المسكره(الله يجازيها كل خير زينب محمد..عبقريه ماشاء الله)...رشه عسل نحل كمان ...وشويه سكر جيلي (أستخدمت توت ومشمش)...وأديها بقي شيكولا سايله علشان الريجيم يكمل...
والف هنا يا ست الكل ..ودوقي الطعم وأدعيلي






وأدي كمان كاس عصير لأول رد علي الموضوع........

...لا تنسوني من صادق دعائكم بالذريه الصالحه لي ولكل البنات المنتظرات ....